J2MEFS ye una interfaz a programas de aplicazión (API) para Java 2 Micro Edition. Ye una millora a o sistema de mantenimiento de rechistros (RMS) ta desembolicadors de MIDlets.

En un camatón de microdispositibos, RMS ye a unica traza d'almazenar localmén datos, pero ufre mui poquetas carauteristicas. No emplegando que RMS, un programador puede alzar datos localmén, pero cada rechistro s'identifica por un simplo numero.

Con J2MEFS, os desembolicadors de MIDlets pueden alzar datos mas fazilmén. J2MEFS autúa como napa entre RMS y os programadors. J2MEFS mantien un tarabidau de direutorios drento d'un almazén de rechistros ta que no aigan de tornar a usar numers ta identificar-los. Ni sisquiera amenistan saber cómo carbura RMS. En cuenta d'ixo, pueden usar nombres y rotas, como si estasen leyendo archibos d'un sistema d'archibos de berdad. J2MEFS proporziona metodos ta creyar, renombrar, leyer, escribir y borrar archibos u direutorios.

J2MEFS ye baxo a lizenzia GNU General Public License y s'aloxa en SourceForge. O sumario d'o proyeuto puede trobar-se astí. ¡Cualsiquier cretica u soxerenzia son bien rezebidas!