Me digo Guillermo Calvo y soi estudián d'Incheniería Teunica Informatica.

Iste programa surte d'a nezesidá d'emplegar o sistema d'almadazenamiento de rechistros (RMS), que forma parti d'a biblioteca estándar de J2ME (MIDP 1.0).

En considerando que ista API ye prou zaborrera y manca de carauteriticas, me dezidié a atelar iste proyeuto. L'oxetibo ye aprestar d'una API lixera y comoda que premita a un MIDlet almadazenar datos localmén d'una traza intuyitiba, como si s'esen alzando archibos en un disco duro.

A bersión 1.0 de J2MEFS cumple istas premisas correutamén. Iste proyeuto no ha gran complexidá, manimenos creigo que puede fer chuego a programadores que, igual como yo, sigan escontentos con l'API RMS.

Si deseyas meter-te en contauto con yo, puez escribir-me un correu eleutronico a <guillermocalvo(arroba)yahoo(punto)com>.